Monday, March 1, 2010

مش فاهم شي!


موضوع فلسطين متفق عليه من أكتر من 60 سنه.. على فرض انه فلسطين اغتصبت في سنة 1948 و ما كانت تحت اي انتداب بريطاني!!




ثورة عربية كبرى بكل ما تحمله الكلمه من معنى !! أشراف اتفقوا- (أو لم يتفقوا المهم النتيجه)- مع مستعمر ضد حاكم عشان يعملوا دولة تحت ظل و راية هذا المستعمر!!


و من تحت لتحت شعب فلسطين هو شعب هالدولة!! و زبطت الثورة!! و بلشت التوعية انو يا جماعة بيعوا اراضيكم و روحوا التموا هناك لأنه هيك هيك رح تروحوا تلتموا هناك!! و طلعلهم اكمن واحد بالعقل!!! و عملوا امارة شرق البلاد!! و اجا وعد بلفور!! دولة عم بترووح و دولة تانيه عم تطلع!!


و اعلان الأستقلال!! و بلشت الخيانات!!


حروب عربية لتحرير ارض مبيوعة في الملاهي الليلية بقيادة جنرالات بريطانية!! الثوار ممنوع يحاربوا !!


و مفوضات مع اسرائيل و العرب محلك سر و اسرائيل عم تكبر!! اقتصاديا و عسكريا و كل شي!! و بعد ما طارت الأرض و خلص عهد الحروب الوهمية تم تعريب الجيوش العربية!!! و تم اعلان قيام دولة اسرائيل!! على انقاض ما تبقى من شرف الأمة العربيه!! و بموافقة عربية رسمية!!


طبعا ما في ولا حرب عربية ضد اسرائيل انتصرنا فيها بس انتصرنا 6 ايام و اليوم السابع كانت اسرائيل ماخدة الضفه الغربية في سنة 1967!! كله حكي فاضي!!


الشعب الفلسطيني ياس من الوضع و قرر يحرر الأرض بأيده!!
و بلشت التنظيمات و فتح العاصفة و الجبهات الشعبية و الديمقراطية و العربيه حماس و عمليات استشهادية!!
و بلش انتقادات الدول العربية و طعنها انه كيف و ليش و من وين اجوا هدول!! و كل دولة صارت تخاف على حالها و تطلعلنا شيوخ كبة يحكوا انه العمليات الأستشهادية حرام!! انتحارية!! و نسيوا البراء بن مالك اللي رمى حاله بالحديقه عشان يفتح الباب!! و حكى اذا عشت عشت و فتحتلكم الباب و اذا متت هيني "نشرت الرعب في قلوبهم"!!


مطولين انتو؟!! فتح فصلت الدين الأسلامي عن حركتها اذا حجتكم الأسلام فإحنا مش حركة جهاد اسلامي!! بالعربي اطلعوا من راسنا!! و غيرها ما كان اسلامي إلا حماس!! اها مش مسلمين!! يعني مش شهداء!! حيرتونا يا جماعة!!


بتذكر آخر عملية لفتح كانت بعهد ابو عمار!! بعد هيك اختفت فتح و صارت بودي جارد لخالتنا اسرائيل!!


اما بالنسبه لغزة و ايران و اللعبة الجديدة!! الموضوع اي شي بقاوم اسرائيل فهو تابع للأيران!! و أيرن عدو الكل!! و لازم نخلص منها و من اتباعها!! و نجحوا اعلاميا بأقناع المغفلين بأنه حماس تابعة لأيران!!


اما بالنسبة للأقصى!! من لما حرقوه و ولا حد من الدول العربيه حرك شي و هو مبين الموضوع!!


جولدامائير توقعت انه تصحى تاني يوم من بعد ما حرقوا المسجد الأقصى ما تلاقي شي اسمه اسرئيل على وجه الأرض!! و تفاجئت من ردة الفعل و حكت: إذا أسرائيل باقية إلى الأبد!! شو بتتوقعوا اذا ضموا الحرم الإبراهيمي يصير؟!! و لو عملوا شو ما عملوا ما رح يصير شي!!

6 comments:

jafra said...

احمد بكذب عليك اذا لقيت اشي اعلق فيه
انا هون مجرد حضور
و بس

Sh3rawi said...

هي وقفت على الحرم الابراهيمي يعني !؟!
في واحد من تاعون اسرائيل حكي مرة,
انه العرب ما بقرؤا و ان قرؤا بفهموش و ان فهموا بعملوش ..
و ما حنعمل اشي,طالما احنا هيك و حكوماتنا هيك و قادتنا الله يخليهم فوق روسنا...

Ahmad Merie said...

javra ahla o sahla feeeke betnawre anytime sister

Ahmad Merie said...

sha3rawe o nafso 7aka marra enno el3arab shorafa2 waleken...
see this bro http://ahmadmerie.blogspot.com/2009/12/blog-post.html

Whisper said...

المشكلة ان الموضوع صار واضح للكل و ما حد بستحي على دمة يتحرك, ولا راضي يخلي العالم يتحركو

بس برضو انا مش يأسانه :)
الا ما ربك يفرجها ,اللي بعت صلاح الدين ان شاء الله ببعت متله

Ahmad Merie said...

daaa2 5ol22o elwa7ad ya Whisper!! o bsara7a ana mallet men el 7ake..!!